Bakı-Tbilisi-Ceyhan boru kəməri (BTC) ilə neft ixracı davam edir. Bu barədə “İnterfaks-Azərbaycan”a “BP-Azerbaijan” şirkətinin mətbuat xidmətinin rəhbəri Tamam Bayatlı məlumat verib.
“Bəli, neft ixrac olunur (BTC ilə - İF) və Ceyhan terminalında yüklənir. Lakin bu neft tankerlərə yükıənə bilməz”, - Bayatlı bildirib.
Həmçinin, o məlumat verib ki, BTC ilə nəql olunan neft yük göndərənləri Ceyhanda yükləmə ilə fors-major halları barədə məlumatlıdırlar.
«Ceyhan dəniz terminalının yükləmə əməliyyatlarının müvəqqəti dayandırılması ilə əlaqədar fevralın 7-də BTC ilə neft yük göndərənlərə fors-major halları barədə bildiriş göndərilib», - Bayatlı deyib
Ceyhan terminalında çən çatışmazlığı səbəbindən BTC boru kəməri ilə neft ixracı həcminin azaldılmasının mümkün olub-olmaması ilə bağlı suala “BP-Azerbaijan” şirkətinin nümayəndəsi qeyd edib ki, “hazırda qiymətləndirmə aparılır”.
Xəbər verildiyi kimi, Türkiyədə zəlzələdən sonra Türkiyənin Ceyhan neft terminalının fəaliyyəti dayandırılıb. Son məlumatlara əsasən, zəlzələ nəticəsində artıq 8,5 min nəfər həlak olub.
Hazırda “Azəri-Çıraq-Günəşli” yataqlar blokundan hasil olunan neft və “Şahdəniz” yatağından çıxarılan kondensat, SOCAR-ın nefti, eləcə də Türkmənistan, Qazaxıstan və Rusiya nefti BTC boru kəməri ilə nəql olunur.
BTC neft kəmərinin uzunluğu 1768 km-dir. Bunun 443 km-i Azərbaycan, 249 km-i Gürcüstan, 1076 km-i Türkiyə ərazisindədir. Boru kəmərinin ötürmə qabiliyyəti ildə 50 milyon tondan çoxdur.
Layihənin iştirakçıları BP (30,1%); SOCAR (25%); MOL (8,9%); “Equinor” (8,71%); TPAO (6,53%); ENI (5%); “Itochu” (3,4%); “ExxonMobil” (2,5%); INPEX (2,5%), “TotalEnergies” (5%) və ONGCVidesh (2,36%) şirkətləridir.**
N.Abbasova
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Boston Consulting Group: Azərbaycan dünya enerji təhlükəsizliyində əsas rol oynayacaq
AccessBank Masallıda filialının açılması ilə regional şəbəkəsini genişləndirir
AccessBank BMT-nin Qlobal Sazişinə qoşulub
AccessBank 2024-cü ilin 1-cü rübü üzrə maliyyə nəticələrini açıqlayıb
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət