Azərbaycandan Avropaya Qara dənizin dibi ilə yaşıl enerji ixracının həcmi birinci mərhələdə 4 QVt səviyyəsində planlaşdırılır. Bu barədə Azərbaycan prezidenti İlham Əliyev bəyan edib.
“Bu ilin fevral ayında Bakıda bir sıra Avropa ölkələrinin nazirləri, həmçinin energetika üzrə Avropa komissiraının iştirakı ilə Azərbaycandan yaşıl enerji ixracı layihəsinin rəhbər komitəsinin ilk iclası keçirilib. Elə ilk iclasda bunun, Cənub Qaz Dəhlizi ilə Cənubi Qafqaz Boru Kəməri, TANAP və TAP kimi deyil, inteqrasiya olunmuş layihə olacağına dair razılığa gəldik. Bu, Xəzərdə dəniz külək elektrik enerjisi stansiyalarından Aİ-də istehlakçılara qədər inteqrasiya olunmuş layihə olacaq”, - Əliyev Berlində Almaniyanın aparışı şirkətlərin rəhbərləri ilə görüşdə deyib.
Dövlət başçısı qeyd edib ki, layihənin ilk mərhələsində Qara dənizin dibi ilə elektrik enerjisi tədarükünün həcmi 4 QVt səviyyəsində planlaşdırılır. “Lakin bunun üçün Gürcüstanda ötürmə xəttlərini genişləndirmək lazımdır. Əks halda bu tam səmərəsiz olacaq”, - deyə o bildirib.
“Hesab edirik ki, 4 QVt – yalnız başlanğıcdır. Avropada tələbatın səviyyəsi bizə məlumdur. Almaniyada tələbat barədə məlumatımız var. Düşünürəm ki, söhbət onlarla qiqavatdanb gedir və bu tələb artacaq. Bizdə belə güclər var. Biz sadəcə bütün hissələri birləşdirməliyik”, - Əliyev əlavə edib.
2022-ci il dekabrın 17-də Buxarestdə “Azərbaycan Respublikası, Gürcüstan, Rumıniya və Macarıstan Hökumətləri arasında yaşıl enerjinin inkişafı və ötürülməsi sahəsində strateji tərəfdaşlıq haqqında” saziş imzalanıb. Saziş Qafqaz regionundan Avropaya enerji körpüsünün inşasını nəzərdə tutur. Söhbət enerji ötürmə gücü 1000 MVt olan 1195 km uzunluğunda elektrik verilişi xəttinin tikintisindən gedir. Kabel Azərbaycanda istehsal edilən elektrik enerjisinin Gürcüstan və Qara dəniz vasitəsilə Rumıniyaya çatdırılaraq, Macarıstana və Avropanın qalan hissəsinə nəql edilməsi üçün nəzərdə tutulacaq.
Hazırda layihə üzrə işlər 2023-cü ilin sentyabrında başa çatdırılması planlaşdırılan texniki-iqtisadi əsaslandırmanın hazırlanması mərhələsinə keçib. Xətt 3-4 il ərzində çəkiləcək.
Avropa Komissiyası dünyada ən uzun kabelin çəkilməsi üçün 2,3 milyard avro ayırmağı planlaşdırır. **
B.Rüstəmbəyov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Dünyanın ən məşhur idman və əyləncə kanalları indi “CityNet”də!
Azər Türk Bank daha bir filialını istifadəyə verdi
AccessBank Masallıda filialının açılması ilə regional şəbəkəsini genişləndirir
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət