İsrail Rusiyaya xəbərdarlıq edib ki, Tehrana Rusiyanın S-300 zenit raket komlekslərinin satışı üzrə müqavilənin həyata keçirilməsi İsrailin İrana zərbə endirməklə bağlı qərar qəbul etməsini sürətləndirə bilər.
"Ümid edirəm ki, Moskvada satışın həyata keçirilməsinin əməliyyatların başlamasına işarə ola biləcəyini, ya da ən azı bununla bağlı hadisələrin inkişafını əhəmiyyətli dərəcədə sürətləndirəcəyini anlayırlar", - deyə İsrail parlamentində hakim koalisiyanın lideri Zeev Elkin “Kommersant” qəzetində cümə axşamı dərc olunmuş müsahibəsində bəyan edib.
"Bizim nöqteyi-nəzərimizcə, S-300 ZRK problemin (İranın nüvə proqramı ilə bağlı-İF) dinc yolla həlli metodunu əhəmiyyətli dərəcədə çətindləşdirir və qeyri-mümkün edir, ona görə də bu İsraili indiki şəraitdə olduğunda daha tez hərəkət etməyə vadar edə bilər", - deyə Z.Elkin bildirib.
O qeyd edib ki, S-300 ZRK-nin İrana satışı "təkcə sabitliyi azaltmır, onlar həm də bizim problemin sülh yolu ilə həllinə imkan verdiyimiz zaman çərçivəsini məhdudlaşdırır".
Ötən həftə Moskvaya gizli səfər etməsindən əvvəl İsrailin baş naziri Binyamin Netanyahu ilə görüşən sonuncu İsrail siyasətçisi olan Z.Elkin qeyd edib ki, Rusiyanın İranın hərbi nüvə layihəsini hansı sürətlə inkişaf etdiyini anladığına əmin deyil.
"Biz Tehranı atom bombası yaratmaq yolundan döndərməyin artıq mümkün olmayacağı nöqtəyə yaxınlaşırıq. Qərar qəbul etmək üçün bizim bir neçə ay vaxtımız qalır", - deyə israilli deputat bildirib.