“Azərqarant” sığorta şirkəti 2010-cu ildə əldə etdiyi 506 min 974,57 manat məbləğində mənfəəti nizamnamə kapitalın artırılmasına yönəldəcək. Bu barədə “İnterfaks-Azərbaycan” agentliyinə şirkətdən bildirilib.
Şirkətin auditor rəyi ilə təsdiq edilmiş maliyyə hesabatına əsasən 2010-cu ildə şirkətin vergiöncəsi mənfəəti 533 min 657,45 manat təşkil edib. Bununla yanaşı vergiöncəsi mənfəətin əsas hissəsi – 906 min 974,57 manat nizamnamə kapitalının artırılmasına yönəldiləcək.
2010-cu ildə şirkətin gəlirləri 1 mln. 219 min 189,27 manat təşkil edib, həmçinin sığorta tədiyələri yığımı 585,363 min manat, təkrar sığorta üçün alınan tədiyələr 307,388 min manat, investisiya gəlirləri 403,788 min manat təşkil edib. Bununla yanaşı 2010-cu ildə xalis sığorta ehtiyatları 107,022 min manat azalıb ki, bu da gəlirlərin azalmasına səbəb olub. Qalan gəlirlər başqa maddələrin payına düşüb.
Ötən il ərzində şirkətin xərcləri 685 min 531,82 manat, həmçinin sığorta hadisələri üzrə ödənişləri – 75,066 min manat, sığorta işinin aparılmasına – 548,968 min manat təşkil edib. Qalan xərclər başqa maddələrin payına düşüb.
Şirkətin 2010-cu il ərzində xalis mənfəəti 21,346 min manat təşkil edib.
2010-cu ildə şirkətin aktivləri 23,1% – 4 mln. 416,133 min manat, məcmu kapitalı 22,5% - 4 mln. 5,624 manat, öhdəlikləri 29%– 410,509 min manatadək artıb.
2010-cu ildə şirkətin banklardakı depozitləri 3 mln. 210 min manat təşkil edib (artım 9,2%).
“Azərqarant” səhmdar cəmiyyəti sığorta bazarında 1998-ci ildən fəaliyyət göstərir. Şirkətin nizamnamə kapitalı 3 mln. 260 min manata bərabərdir. Şirkətin səhmdarı bir neçə fiziki şəxsdir.