Brüssel Azərbaycanı enerji sahəsində özünün strateji tərəfdaşı hesab edir və Transxəzər qaz kəmərinin reallaşacağına ümid edir.Avropa Birliyinin (AB) prezidenti Herman Van Pompey cümə axşamı Bakıda Azərbaycan Dillər Universitetinin (ADU) tələbələri ilə görüşdə belə deyib
“AB energetika sahəsində Azərbaycanı özünün strateji tərəfdaşı hesab edir , respublika özünü etibarlı tərəfdaş kimi tanıdıb .AB hamının xeyrinə olacaq Cənubi enerji dəhlizini və Transxəzər qaz kəmərinin realladırılmasını qəti şəkildə dəstəkləyir”,- deyə H.Van Pompey söyləyib.
Onun sözlərinə görə, AB-də “ərəb baharı”hadisələrindən nəticə çıxararaq öz qonşularına qarşı siyasətlərini təkmilləşdirməi, demokratiya məsələlərinə,o cümlədən vətəndaş cəmiyyəti və insan hüquqlarının inkişaf səviyyəsinə daha çox diqqət ayrılmalıdırlar .
“Bu işdə daha çox müvəffəqiyyət qazanan tərəfdaş ölkə bizdən daha çox kömək alacaq”,-deyə o qeyd edib.
H.Van Pompey keçən ilin aprel ayında icazəsiz aksıyalar zamanı həbs edilmiş müxalifətçilərin azadlığa buraxılmasını alqışlayıb və deyib ki, AB xüsusilə də 2013-cü ildə keçiriləcək prezident seçkiləri nəzərə alınmaqla Azərbaycanda vətəndaş cəmiyyətinin inkişafı üzrə görülən tədbirləri diqqətlə izləməkdə davam edəcək.
“ Demokratik islahatların davam etdirilməsi, qanunun aliliyinin təmin edilməsi Azərbaycanın uzunmüddətli inkişafı üçün şərait yaradacaq və respublikanın AB ilə ıəlaqələrini möhkəmləndirəcək”.- deyə o əlavə edib.
AB prezidenti çıxışı zamanı ABŞ-dan gələn maliyyə böhranının Avropa iqtisadiyyatına mənfi təsirləri barədə də danışıb.
“Biz bu problemin həll edilməsi üçün səylərimizi birləşdirməliyik”.- deyə H. Van Pompey vurğulayıb.
Transxəzər qaz kəməri layihəsi Xəzər dənizinin dibi vasitəsilə Türkmənistandan Azərbaycana qaz kəmərinin çəkilməsini və qazın Avropaya çatdırılmasını nəzərdə tutur ..Rusiya və İran Xəzər dənizinin böyük ekoloji riskə istinad edərək Xəzərin dibi ilə qaz kəmərinin çəkilməsinə qarşı çıxış edirlər.