Azərbaycan Respublikasının Baş prokuroru yanında Korrupsiyaya Qarşı Mübarizə İdarəsinə əməliyyat-axtarış fəaliyyətini həyata keçirmək səlahiyyətlərinin verilməsi bu cinayət növünə qarşı mübarizənin effektivliyini daha da artırıb. Bu barədə Baş prokuror Zakir Qaralov bəyan edib.
“Belə ki, fəaliyyətə başladığı bir ildən artıq müddət ərzində idarənin əməliyyat şöbəsi tərəfindən keçirilən 43 əməliyyat tədbiri nəticəsində 44 şəxs cinayət başında yaxalanıb”, - deyə Baş prokuror çümə axşamı “Azərbaycan” qəzetində dərc edilən yaxınlarda Prezident tərəfindən təsdiq edilən “Korrupsiyaya qarşı mübarizəyə dair 2012-2015-ci illər üçün Milli Fəaliyyət Planı”na dair prokurorluğun fəaliyyətinin təkmilləşdirilməsi mövzusunda müsahidə bildirib.
Z.Qaralov Milli Fəaliyyət Planının digər müddəaları barədə danışaraq hakimlərin toxunulmazlıq hüququnun qismən aradan qaldırılmasın vacibliyini qeyd edib. “Korrupsiyaya qarşı mübarizənin gücləndirilməsi məqsədilə hakimlərin toxunulmazlıq hüququnun qismən aradan qaldırılması əməliyyat-axtarış tədbirlərinin daha geniş həcmdə tətbiq edilməsinə şərait yaradacaq”, - deyə o əminliklə bildirib.
Baş prokuror vurğulayb ki, Azərbaycanın “BMT-nin Korrupsiya əleyhinə” Konvensiyasının qəbul edilməsi hüquq-pozmalarla bağlı faktlar barədə səlahiyyətli orqanlara vicdanla və ağlabatan əsaslarla məlumat verən şəxslərin hər hansı ədalətsiz münasibətdən müdafiəsini təmin edir.
Z.Qaralov o cümlədən qeyd edib ki, cinayət yolu ilə əldə edilən pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə sahəsində vahid statistik məlumat bazasının yaradılması, beynəlxalq standartlara uyğun statistik hesabatların hazırlanması və mübarizənin səmərəliliyinin artırılması məqsədilə bu sahədə vəziyyətin öyrənilməsi, təhlil edilməsi və ümumiləşdirilməsinə şərait yaradacaq.
Bundan başqa, müxtəlif növ cinayətlərə, xüsusilə korrupsiya qarşı mübarizənin, şəffaflığının artırılması çərçivəsində və bu barədə ictimaiyyətin məlumatlandırılması barədə statistik və təhlil məlumatlardan ibarət olan informasiya bülletenlərinin buraxılışı planlaşdırırlır.