Vergilər Nazirliyi 2012-ci ildə 72,263 min vergi ödəyicisini qeydiyyata alıb. Bu barədə “İnterfaks -Azərbaycan” agentliyinəVergilər Nazirliyindən məlumat verilib.
Məlumatda qeyd edilir ki, o cümlədən 2012-ci ildə fərdi sahibkarlıq fəaliyyəti ilə mə.ğul olan 45,011 min fiziki şəxs elektron formada qeydiyyatdan keçib.
2013-cü il yanvarın 1-nə olan vəziyyətə görə, respublikda vergi ödəyicilərinin ümumi sayı 481,710 min təşkil edib.
2012-ci ildə vergi ödəyicilərinin Vergilər Nazirliyinə göndərdikləri elektron formatda vergi bəyannamələrinin xüsusi çəkisi 89,9% təşkil edib.
Vergilər Nazirliyinin məlumatına əsasən, 2012-ci ildə qeyri neft-qaz sektorunun müəssisələri dövlət büdcəsinə 3 mlrd. 286 mln. 509,7 min manat məbləğində vergi köçürüb, bu isə 2011-ci ilin göstəricisindən 14,5% çoxdur.
Xəbər verildiyi kimi, Azərbaycan 2008-ci il yanvarın 1-dən “bir pəncərə” prinsipi üzrə sahibkarların qeydiyyatı sisteminə keçib. Bu sistem üzrə kommersiya fəaliyyəti ilə məşğul olan hüquqi və fikizi şəxslərin qeydiyyat prosesi Vergilər Nazirliyi vasitəsilə üç gün ərzində həyata keçirilir.
Vergilər Nazirliyi 2008-2011-ci illərdə “bir pəncərə” prinsipi üzrə 194,4 min sahibkarlıq subyektini, o cümlədən 19.6 min hüquqi və 174,8 min fiziki şəxsi qeydiyyata alıb. 2011-ci ildə Vergilər Nazirliyi 67,844 min hüquqi və fiziki şəxsi qeydiyyata alıb.