Azərbaycanda və dünyanın bir çox ölkələrində Dağlıq Qarabağda Xocalı şəhərində baş verən faciəli hadisələrin 21-ci ildönümünü qeyd edirlər.
Bütün respublika üzrə xatirə tədbirləri keçirilir. Əsas tədbirlər paytaxtda ucaldılan Xocalıda baş verən faciəli hadisələrin qurbanlarının abidəsinin qarşısında keçiriləcək. Dövlət başçısı, hökumət və parlament üzvləri, diplomatik korpusun nümayəndələrinin memorialı ziyarət edəcəkləri gözlənilir. Bundan başqa, Azərbaycan diasporu bu günlərdə dünyanın 30-dan artıq ölkəsində Xocalı qurbanlarının xatirəsinə həsr olunmuş tədbirlər keçirir.
Azərbaycan Xocalıda baş verən hadisələri dünya cəmiyyəti tərəfindən Azərbaycan xalqına qarşı soyqırım kimi tanınması istiqamətində addımlar atır. Bu siyasətin nəticəsi olaraq bu gün Xocalı soyqırımı Meksika, Pakistan, Kolumbiya, Çex, o cümlədən ABŞ-ın altı ştatının parlamenti tərəfindən tanınıb.
Xocalı şəhərində dinc sakinlərin kütləvi qətlə yetirilməsi Qarabağ müharibəsinin ən faciəvi hadisələrindən biridir. 1992-ci il fevralın 25-dən 26-na keçən gecə erməni silahlı birləşmələri keçmiş SSRİ-nin Xankəndi şəhərində yerləşdirilmiş 366-cı motoatıcı alayının ağır texnika və şəxsi heyətinin dəstəyi ilə Xocalını zəbt ediblər. İndiyədək görünməmiş qəddarlıq nəticəsində 613 nəfər qətlə yetirilib, onlardan - 106 nəfəri qadın, 63-ü azyaşlı uşaq, 70-i qocalardır, 8 ailə tamamilə məhv edilib, 487 nəfər əlil olub, 1275 nəfər əsir götürülüb, 150 nəfər isə itkin düşüb.