Azərbaycan Respublikasının Prezidenti İlham Əliyev iyunun 4-də ABŞ dövlət katibinin enerji siyasəti üzrə müşaviri Amos Hoksteyni qəbul edib. Dövlət başçısının saytında verilən məlumata görə, görüşdə tərəfdaşlıq əlaqələrinin inkişafından məmnunluq ifadə olunub.
Bundan başqa, ABŞ-ın Azərbaycandakı səfiri Riçard Morninqstar ABŞ prezidenti Barak Obamanın məktubunu dövlətimizin başçısına təqdim edib.
Prezident İlham Əliyev ABŞ Prezidenti Barak Obamanın məktubuna görə minnətdarlığını bildirib.
Söhbət zamanı XX Beynəlxalq Xəzər neft, qaz, neftayırma, neft kimyası sərgi və konfransının əhəmiyyəti vurğulanıb, Azərbaycan Respublikası ilə ABŞ arasında tərəfdaşlıq əlaqələrinin inkişafından məmnunluq ifadə olunub, ikitərəfli münasibətlərimizin perspektivləri, Ermənistan-Azərbaycan, Dağlıq Qarabağ münaqişəsinin həlli ilə bağlı danışıqlar prosesi və digər məsələlər ətrafında fikir mübadiləsi aparılıb.