Cari ilin may ayında Səhiyyə Nazirliyinin “Qaynar xətt” xidmətinə 401 müraciət daxil olub. Bu barədə “İnterfaks-Azərbaycan” Səhiyyə Nazirliyinin mətbuat xidmətindən məlumat verilib.
Daxil olmuş müraciətlərin 279-u cari problemlərlə bağlı şikayət, 109-u sorğu xarakterli olub, 13-ü isə aidiyyəti üzrə deyil.
“Qaynar xətt” xidmətinə daxil olmuş bütün müraciətlər mütəxəssislər tərəfindən dinlənilir, qeydə alınır və araşdırılır. Bu günə kimi daxil olan bütün əsaslı şikayətlər barədə müvafiq tədbirlər görülüb.