Fars Körfəzində yerləşən Ərəb Ölkələrinin Əməkdaşlıq Şurasının baş katibi Əbdüllətif bin Rəşid Əl Zayani Azərbaycana rəsmi səfərə gəlib.
“Səfərin məqsədi iyunun 11-də Fələstinə yardım məqsədilə Bakıda keçiriləcək donor konfransında iştirakdır”, - deyə “İnterfaks-Azərbaycan” agentliyinə Xarici İşlər Nazirliyindən məlumat verilib.
Bundan başqa, Əbdüllətif bin Rəşid Əl Zayani Azərbaycan rəsmiləri ilə görüşlər keçirəcək, Azərbaycanla Fars Körfəzində yerləşən Ərəb Ölkələrinin Əməkdaşlıq Şurası arasında ikitərəfli münasibətlərin inkişafına dair Anlaşma Memorandumunun imzalanma mərasimində iştirak edəcək.