Daxili İşlər Nazirliyinin (DİN) əməkdaşları həftə ərzində narkotik maddələrdən istifadə etməkdə şübhəli bilinən 63, satmaqda və hazırlamaqda şübhəli bilinən 4 nəfəri saxlayıblar. Bu barədə “İnterfaks-Azərbaycan” agentliyinə bazar ertəsi DİN-dən məlumat verilib.
Narkomanlardan ümumilikdə 27,15 qram marixuana, 5,291 qram heroin, 4,028 qram tiryək, 2,713 qram həşiş müsadirə olunub.
Aparılan əməliyyat nəticəsində narkotik vasitə saxlamaqda xə satmaqda şübhəli bilinən şəxsdən 76 kq 906 qram çətənə, 18 kq 281 qram marixuana, 316 qram tiryək müsadirə edilərək götürülüb.
Bundan başqa, DİN əməkdaşları respublika ərazisində yabanı halda bitmiş 80 ton 622 kq çətənə kolunu məhv ediblər.