Ötən həftə Azərbaycanın hüquq-mühafizə orqanları narkotik maddələrin istifadəsində şübhəli bilinən 47 nəfəri saxlayıblar. Bu barədə “İnterfaks-Azərbaycan” agentliyinə bazar ertəsi Daxili İşlər Nazirliyindən məlumat verilib.
Bundan başqa, narkotik maddələrin hazırlanması və satışında şübhəli bilinən daha 2 nəfər saxlanılıb.
Saxlanılan şəxslərdən ümumilikdə 19,6 qram marixuana, 13,32 qram həşiş, 3,289 qram heroin və 2,161 qram tiryək müsadirə olunub.
Həyata keçirilən əməliyyat tədbirləri nəticəsində narkotik vasitələrin saxlanması və satışında şübhəli bilinən şəxsdən 9,9 kq həşiş, 6,150 kq tiryək, 1,8 kq marixuana müsadirə edilərək götürülüb.
Bununla yanaşı, DİN əməkdaşları respublika ərazisində yabanı halda bitmiş 13 ton çətənə kolunu məhv ediblər.