1 yanvar 2014-cü il tarixinə “Kapital Bank”ın aktivləri 1 mlrd. 48,645 mln. manat təşkil edir. Bu barədə bankın saytında dərc edilmiş məlumatda bildirilir.
Cari ilin əvvəlinə bankın kredit portfeli 751,334 mln. manat, əhalinin bankdakı əmanətləri 104,631 mln. manat təşkil edib.
2014-cü il yanvarın 1-nə bankın məcmu kapitalı 164,474 mln. manat, nizamnamə kapitalı 80 mln. manat (artım 60%) həcmində olub.
Hesabat ili ərzində bankın gəlirləri 124,927 mln. manat, o cümlədən faiz gəlirləri 61,163 mln. manat, qeyri-faiz gəlirləri 63,764 mln. manat, xərcləri 103,626 mln. manat təşkil edib.
2013-cü il ərzində bankın vergi ödənilənədək mənfəəti 21,301 mln. manat təşkil edib.
1 yanvar 2014-cü il tarixinə bankın aktiv plastik kartlarının sayı 2 mln. 193,857 min ədəd, bankomatların sayı 480 ədəd, pos-terminalların sayı 473 ədəd olub.
Hazırda respublika ərazisində bankın 89 filialı və 11 şöbəsi fəaliyyət göstərir.
“Kapital Bank” 2005-ci il yanvarın 26-da fəaliyyətıə başlayıb. Bankın səhmdarları “Pasha Holding”(99,8%) və fiziki şəxslərdir (0,2%).