17-18 fevral tarixdə Bakıda Rusiya ilə Azərbaycan hökuməti arasında Samur çayı üzərində yeni avtomobil körpüsünün tikintisi ilə əlaqədar Sazişin reallaşdırılması üzrə birgə İşçi Qrupun I iclası keçirilib. Bu barədə Nəqliyyat Nazirliyinin saytında məlumat verilir.
Azərbaycan tərəfinə nəqliyyat nazirinin müavini Musa Pənahov, Rusiya tərəfindən - Rusiya Federasiyası Nəqliyyat Nazirliyinin Departament müdiri İqor Kostyuçenko rəhbərlik ediblər.
Tərəflər körpünün tikintisi ilə bağlı texniki məsələlər, tikintinin layihəsi və s. məsələləri müzakirə ediblər.
İşçi Qrupunun ikinci iclası cari ilin aprel ayında Moskva şəhərində keçiriləcək.
Xəbər verildiyi kimi, avtomobil körpüsü Yaraq-Qazmalar(RF)-Samur” (Azərbaycan Respublikası) buraxılış məntəqəsi rayonunda Samur çayı üzərində olacaq.
Öncə RF Nəqliyyat Nazirliyi körpanan tikintisi üzrə saziş layihəsi hazırlayıb. Sənədin mətninə əlavə olunan izahat məktubunda bildirilib ki, hazırda körpü keçidi qəzalı vəziyyətdədir və artan nəqliyyat axınını tam təmin etmək iqtidarında deyil. Körpü 1953-cü ildə tikilib, hüdrürlük və eninə göər kifayət qədər qabaritə və yük qaldırma gücünə malik deyil.
Layihəyə əsasən, tərəflər öz ərazilərində avtomobil körpüsünə giriş yolları və köməkçi obyektlərin tikintisini müstəqil qaydada aparacaq və körpünün tikinti başa çatdıqda eyni vaxtda bitirəcək. RF və Azərbaycan ərazilərində avtomobil körpüsünün tikintisi, həmçinin maddi-texniki resursların cəlb olunması ilə layihə-araşdırma işlərinə bütün xərcləri tərəflər bərabər paylaşacaq.