Azərbaycan İpoteka Fondu (AİF) 2015-ci ildə sosial ipotekanın verilməsi üçün dövlət büdcəsindən 50 mln. manat məbləğində vəsait alacaq, bu isə 2014-cü illə müqayisədə 25% çoxdur. Bu barədə Maliyyə Nazirliyinin saytında dərc edilmiş gələn il üçün büdcə materiallarında qeyd edilir.
“2016-cı ilədək AİF-ə dövlət büdcəsindən ayrılan vəsaitlərin ümumi həcmi 266 mln. manata çatacaq”, - deyə materiallarda bildirilir.
AİF 2005-ci ilin dekabrında yaradılıb və 2006-cı ilin martında ipoteka kreditlərinin verilməsinə başlayıb. Azərbaycanda sosial ipotekanın verilməsinə 2007-ci ildən başlanılıb və 6 ay davam edib. AİF 2009-cu il iyunun 1-dən 28 agent bank vasitəsilə kommersiya şərtləri ilə ipoteka kreditlərinin verilməsi prosesini bərpa edib. Kommersiya şərtləri ilə ipoteka kreditləri dövlət büdcəsi vəsaitlərinin hesabına deyil, fondun öz istiqrazlarını buraxmasından cəlb etdiyi vəsaitlər hesabına verilir.
Kommersiya şərtləri ilə ipoteka kreditləri manatla və yalnız Azərbaycan vətəndaşlarına verilir. Kreditlər 3 ildən 25 ilədək müddətə verilir. Kreditin maksimum həcmi 50 min manatı keçməməlidir. Kredit illik 8%-dən çox olmayan dərəcə ilə verilir.
Dövlət büdcəsindən yalnız sosial ipoteka maliyyələşdirilir. Onun maksimal məbləği 50 min manat təşkil edir, illik faiz dərəcəsi 4%-dən çox deyil.
2013-cü ildə AİF-in vəsaitləri hesabına ipoteka kreditləşməsinin həcmi 112,9 mln. manat təşkil edib.
A.Əzizov