Azərbaycan prezidenti İlham Əliyev oktyabrın 20-də Avropa İttifaqının (Aİ) Cənubi Qafqaz üzrə xüsusi nümayəndəsi Herbert Salberin başçılıq etdiyi nümayəndə heyətini qəbul edib. Bu barədə dövlət başçısının rəsmi saytında məlumat verilir.
Görüşdə Ermənistan-Azərbaycan, Dağlıq Qarabağ münaqişəsinin həlli ilə bağlı gedən proseslər ətrafında geniş fikir mübadiləsi aparılıb.
Həmin gün İ.Əliyev Avstriya parlamentinin vitse-spikeri Karlhaynts Kopfu da qəbul edib.
Görüşdə ikitərəfli əməkdaşlığımızın səviyyəsindən məmnunluq ifadə olunub, ölkələrimiz arasında əlaqələrin bundan sonra da inkişafı üçün yaxşı imkanların olduğu qeyd edilib, bu baxımdan hər iki ölkə şirkətlərinin iqtisadi əməkdaşlığının genişləndirilməsi üçün perspektivlərin müəyyən edilməsinin önəmi bildirilib.
A.Zeydullayeva