Prezident İlham Əliyev Polşa ilə iqtisadi, sərmayə qoyuluşu və digər sahələrdə əməkdaşlığın genişləndirilməsi üçün böyük potensialın olduğunu qeyd edib. Bu barədə dövlət başçısının rəsmi saytında məlumat verilir.
Azərbaycan prezidenti İlham Əliyevlə Polşa Respublikası baş nazirinin müavini, iqtisadiyyat naziri, Azərbaycan-Polşa iqtisadi əməkdaşlıq üzrə Hökumətlərarası Komissiyanın Polşa tərəfindən həmsədri Yanuş Pexoçinskinin başçılıq etdiyi nümayəndə heyətinin görüşündə dövlət başçısı Azərbaycan ilə Polşa arasında siyasi münasibətlərin yüksək səviyyədə olduğunu vurğulayaraq ölkələrimizin ticarət dövriyyəsinin artdığını da məmnunluqla qeyd edib. İlham Əliyev ikitərəfli əlaqələrimizin inkişafının regional əməkdaşlıq baxımından önəmli olduğunu söyləyib.
Dövlət başçısı Azərbaycan Respublikası və Polşa Respublikası arasında iqtisadi əməkdaşlıq üzrə Hökumətlərarası Komissiyanın iclasının uğurlu olacağına əminliyini bildirib.
Öz növbəsində Yanuş Pexoçinski ölkəmizin əməkdaşlıq üçün cəlbedici olduğunu məmnunluqla qeyd edib . O i Azərbaycanda qeyri-neft sektorunda əldə edilən uğurların da ölkəsində maraqla izlənildiyini söyləyib .