Aprelin 10-da Bakıda “Saxta erməni soyqırımı: uydurma və gerçəklik” mövzusunda konfrans keçiriləcək. Bu barədə “İnterfaks-Azərbaycan” agentliyinə Azərbaycan Milli Elmlər Akademiyasından (AMEA) məlumat verilib.
Konfrans AMEA İnsan Hüquqları İnstitutunun təşkilatçılığı ilə keçiriləcək.
Məqsəd ermənilərin əzəli Azərbaycan torpaqlarında dinc əhaliyə qarşı törətdikləri vəhşiliklərin dünya ictimaiyyətinə çatdırılmasıdır.
Tədbirdə soyqırımın tarixi-siyasi kökləri və onun qarşısının alınması yollarına kompleks yanaşma, Xocalı soyqırımına beynəlxalq hüquqi-siyasi qiymətin verilməsi, beynəlxalq hüquqda soyqırımı problemi, terror təşkilatlarının Azərbaycan xalqına qarşı törətdiyi soyqırımı aktları və s. məsələlər müzakirə ediləcək.
Konfransda beynəlxalq təşkilatların təmsilçiləri, millət vəkilləri, müvafiq dövlət qurumlarının nümayəndələri, alimlər, ictimai xadimlər və KİV nümayəndələrinin iştirakı nəzərdə tutulur.
A.Zeydullayeva