Cari ildə Əmək və Əhalinin Sosial Müdafiəsi Nazirliyi (ƏƏSMN) yanında Dövlət Məşğulluq Xidməti tərəfindən təşkil edilən əmək yarmarkalarında 700-dən artıq şəxs vakant yerlərə göndəriş əldə edib. Bu barədə nazirliyin İctimaiyyətlə əlaqələr şöbəsindən məlumat verilib.
2015-ci ilin mart ayından etibarən respublikanın 10 rayonunda əmək yarmarkaları təşkil olunub. Hesabat dövrü ərzində 701 nəfərə boş iş yerlərinə göndəriş verilib, 22 nəfər peşə hazırlığına, 39 nəfər ödənişli ictimai işlərə cəlb edilmək üçün qeydiyyata götürülüb.
Ümumilikdə cari ildə DMX tərəfindən respublikanın 55 rayon və şəhərində əmək yarmarkalarının təşkil olunması nəzərdə tutulub.
İyunun 25-də Neftçala rayonunda növbəti əmək yarmarkası təşkil olunacaq. Yarmarkada 16-sı dövlət, qalanları özəl sektora məxsus 39 müəssisə üzrə 185 boş (vakant) iş yeri işsiz və işaxtaran vətəndaşlara təqdim ediləcək.
R.Babayev