Çərşənbə axşamı, 27 oktyabr tarixində Avropa Şurası və Avropa İttifaqı Bakıda KİV-nə Şərq Tərəfdaşlığı ölkələri, o cümlədən Azərbaycan üçün bir sıra yeni layihə təqdim edəcək.
Bakıda Avropa Şurasının ofisi verdiyi məlumata görə, Azərbaycanda 2015-2017-ci illərdə Proqramlı əməkdaşlıq haqqında çərçivə sazişi əsasında həyata keçiriləcək dörd layihənin əsas məqsədi KİV azadlığının və ifadə azadlığının genişləndirilməsi, inzibati orqanlarda rüşvətxorluqla mübarizə və rüşvətxorluğun qarşısını alma imkanlarının gücləndirilməsi, Ədliyyə akademiyasının rolunun və imkanlarının artırılması, hakimlərə təhsil verilməsi, habelə Azərbaycanda ədliyyə xidmətlərinin səmərəsi və keyfiyyətinin yüksəldilməsinə həsr olunan xüsusi layihənin həyata keçirilməsidir.
4,7 milyon avro dəyərində olan bu layihələr Aİ və Avropa Şurası tərəfindən maliyyələşdirilir və Avropa Şurası tərəfindən həyata keçirilir. Ölkəyə aid olan bu layihələrdən əlavə, Azərbaycan həm də bir neçə ölkəni əhatə edən 14 regional təşəbbüsdə iştirak edir.
Draqana FİLİPOVİÇ, Bakıda Avropa Şurası ofisinin rəhbəri; Səfir Malena MARD, Azərbaycanda Avropa İttifaqı nümayəndə heyətinin rəhbəri, Həbib MİKAYILLI, Proqramlı əməkdaşlıq haqqında çərçivə sazişin Xarici İşlər Nazirliyindən olan Milli koordinatoru; və Arkadiy SITİN, Proqramlı əməkdaşlıq haqqında çərçivə sazişin Avropa Şurası tərəfindən koordinatoru layihələri təqdim edəcəklər.