2016-cı ilin yanvar ayında Azərbaycanın xarici ticarətinin müsbət saldosu $214 mln. 268,04 min təşkil edib ki, bu da 2015-ci ilin yanvar ayının göstəricisindən 3,3 dəfə azdır. Bu barədə “İnterfaks-Azərbaycan” agentliyinə Dövlət Gömrük Komitəsindən (DGK) məlumat verilib
2016-cı ilin yanvar ayı ərzində Azərbaycanın xarici ticarət dövriyyəsi $1 mlrd. 99 mln. 884,38 min (azalma 40,62%) təşkil edib.
Bununla yanaşı, hesabat dövrü ərzində ixracın həcmi $657 mln. 76,21 min, idxalın həcmi $442 mln. 808,17 min təşkil edib. 2015-ci ilin yanvar ayının göstəricisi ilə müqayisədə ixracın həcmi 48,57%, idxalın həcmi isə 22,95% azalıb.
İxracın strukturunda 83,3% neftin, 4,73% neft məhsullarının, 2,64% təbii qazın, 2,42% meyvə-tərəvəz məhsullarının, 0,1% çayın, 0,21% bitki və heyvan mənşəli yağların, 0,34% qəndin, 0,03% spirtli və spirtsiz məhsulların, 0,22% kimya məhsullarının, 1,11% plastik kütlələr və onlardan hazırlanan məmulatların, 0,19% işlənməmiş gön (təbii xəzdən başqa) və dərinin, 0,92% qara metal və ondan hazırlanan məmulatların, 0,95% alüminium və ondan hazırlanan məmulatların, 2,84% digər məhsulların payına düşüb.
İdxal məhsullarının strukturunda 15,44% ərzaq məhsullarının, 1,23% tütün və tütün məhsullarının, 0,18% sementin, 2,95% neft məhsullarının, 2,52% əczaçılıq məhsullarının, 1,85% plastik kütlələr və onlardan hazırlanan məmulatların, 2,49% odun və agac məhsullarının, 17,05% qara metal və ondan hazırlanan məmulatların, 35,06% maşın, mexanizm və elektrik aparatlarının, o cümlədən onların ehtiyat hissələrinin, 2,69% nəqliyyat vasitələri və onların ehtiyat hissələrinin, 1,05% mebelin, 19,98% digər məhsulların payına düşüb.
Cari ilin yanvar ayında xarici ticarət əməliyyatlarında 1,333 min özəl və dövlət müəssisəsi və 678 min fiziki şəxs iştirak edib.
Ötən il Azərbaycan dünyanın 144 ölkəsi ilə ticarət əməliyyatları həyata keçirib.
2016-cı ilin yanvar ayında Azərbaycan əsas ixrac əməliyyatlarını İtaliya (ümumi ixracın 26,95%-i), Almaniya (19,32%), Fransa (7,54%) və İsrail (15%), əsas idxal əməliyyatlarını isə Rusiya (13,74%), Türkiyə (9,83%), ABŞ (9,31%) ilə həyata keçirib.
N.Abbasova