Akademik Zərifə Əliyeva adına Liseydə yaradılmış "Kiçik Akademiya"nın üzvləri beynəlxalq olimpiadada mükafat qazanıblar. Bu barədə “İnterfaks-Azərbaycan” agentiyinə Azərbaycan Milli Elmlər Akademiyasının (AMEA) mətbuat xidmətindən məlumat verilib.
Qazaxıstanın Almatı şəhərində Əl-Fərabi adına Qazaxıstan Milli Universitetinin təşkilatçılığı ilə 11-ci sinif şagirdləri arasında riyaziyyat-mexanika üzrə Beynəlxalq Tədqiqat Layihə Olimpiadası keçirilib.
OlimpiadadaAkademik Zərifə Əliyeva adına Liseyin şagirdləri İlkin Musayev qızıl medal, Nigar Əsədova isə gümüş medal qazanıblar.
Hər iki şagird Azərbaycan Milli Elmlər Akademiyasının dəstəyi ilə Akademik Zərifə Əliyeva adına Liseydə istedadlı şagirdlərdən ibarət yaradılmış “Kiçik Akademiya”nın üzvləridir.
A.Zeydullayeva