Azərbaycan 2017-ci ildə zirehli maşınların seriya ilə istehsalına başlamağı planlaşdırır. Bu barədə müdafiə sənayesi naziri Yavər Camalov bəyan edib.Azərbaycan 2017-ci ildə zirehli maşınların seriya ilə istehsalına başlamağı planlaşdırır
“Xarici dövlətlərlə danışıqların nəticəsi olaraq yeni “İldırım” və “Qasırğa” zirehli maşınlarının ilkin nümunələri hazırlanıb sentyabrda Bakıda keçiriləcək ADEX-2016 sərgisində nümayiş etdiriləcək və 2017-ci ildən artıq seriya ilə istehsalına başlanılacaq”, - deyə Y.Camalov bazar günü prezident İ.Əliyevin sədrliyi ilə Nazirlər Kabinetinin 2016-cı ilinbirinci yarısının sosial-iqtisadi inkişafının yekunlarına və qarşıda duran vəzifələrə həsr olunan iclasda bildirib.
Onun sözlərinə görə, daha bir yeni layihə BRDM-2M zirehli transportyorun üzərində orta mənzilli “Mizrak” tipli tank əleyhinə idarə olunan raket sisteminin quraşdırılmasıdır. “Bu döyüş maşını da qısa müddət ərzində Silahlı Qüvvələrimizin ixtiyarına veriləcək”, - deyə o Y.Camalov əlavə edib.
Nazir vurğulayıb ki, 2016-cı ilin birinci yarısında 192,2 mln. manat ($124 mln. - İF) məbləğində müdafiə təyinatlı məmulatlar istehsal edilib.
Y.Camalov vurğyulayıb ki, nazirlik müxtəlif növ təlim və döyüş aviasiya bombalarının, xüsusi əhəmiyyətli obyektlərin mühafizəsi sisteminin, həmçinin orta və uzaq mənzilli raket sistemlərinin yaradılmasını planlaşdırır. **
A.Əzizov