Biləsuvar Gömrük İdarəsinin “Qoşa Təpə” Gömrük Postunda Azərbaycandan İrana yüksüz gedən İran vətəndaşının idarə etdiyi yük avtomobilinə gömrük baxışı keçirilib. Bu barədə Dövlət Gömrük Komitəsinin mətbuat xidmətindən məlumat verilib.
Yoxlama zamanı avtomobilin kabinindən, sürücü oturacağının üst istiqamətində kabinin tavanına bitişik olan, zavod konstruksiyasında əşyaların saxlancı üçün nəzərdə tutulmuş qutunun içərisindən gömrük nəzarətinə bəyan olunmayan$20,5 min dollar aşkar edilərək götürülüb.
Faktla bağlı araşdırma aparılır.*
F.İsazadə