SOCAR (Azərbaycan Respublikası Dövlət Neft Şirkəti, ARDNŞ) 2016-cı ilin yanvar-iyul aylarında Novorossiysk limanından Bakı-Novorossiysk neft kəməri ilə ixrac edilmiş 559,065 min ton neft yola salıb. Bu barədə “İnterfaks-Azərbaycan” agentliyinə şirkətdən məlumat verilib.
2015-ci ilin yanvar-iyul aylarında SOCAR Novorossiysk limanından 845,757 min ton neft yola salıb. Beləliklə, cari ilin yanvar-iyul aylarında şirkətin limandan yola saldığı neftin həcmi 33,9% azalıb.
Bununla yanaşı, 2016-cı ilin iyul ayında SOCAR Novorossiysk limanından 79,992 min ton neft yola salıb.
Şirkətin məlumatına görə, iyulda dünya bazarında Brent markalı neftin bir bareli 45,1 dollara, Urals markalı neftin bir bareli 44,28 dollara, BTC FOB Ceyhan markalı neftin bir bareli 46,95 dollara satılıb.
2015-ci ildə SOCAR Novorossiysk limanından 1 mln. 270,108 min ton neft yola salıb.
Azərbaycan 1997-ci ildən öz neftini Bakı-Novorossiysk kəməri ilə nəql edir.*
N.Abbasova