Sentyabrın 26-da Azərbaycanda Konstitusiyaya dəyişikliklərin edilməsi məqsədilə referendum keçiriləcək.
İyulun 18-də prezident İlham Əliyev “Azərbaycan Respublikasının Konstitusiyasında dəyişikliklər edilməsi haqqında” Referendum Aktı layihəsinin rəy verilməsi üçün Konstitusiya Məhkəməsinə göndərilməsi barədə sərəncam imzalayıb.
Layihədə ölkənin birinci vitse-prezidenti və vitse-prezidentləri vəzifələrinin təsis edilməsi təklif olunur.
Dəyişikliklər çərçivəsində prezidentin səlahiyyət müddətinin 5 ildən 7 ilədək artırılması təklif olunur.
Təklif olunan digər dəyişikliklərə əsasən dövlət başçısı növbədənkənar prezident seçkilərinin keçirilməsi barədə elan edə bilər. Prezident vaxtından əvvəl vəzifədən getdikdə növbədənkənar seçkilərin keçirilmə müddətinin 30 aydan 60 günədək azaldılması təklif olunur.
Həmçinin Konstitusiyaya Milli Məclisin buraxılması haqqında müddəanın əlavə edilməsi, eləcə də deputat seçilmək üçün yaş həddininn 18-ə endirilməsi təklif olunur. Hazırda Milli Məclisə seçkilərdə yaşı 25-dən az olmayan şəxslər iştirak edə bilərlər.
Seçki məntəqələri saat 8:00 açılacaq, səsvermə saat 19:00-da başa çatacaq.
Vətəndaşlar 5,627 min seçki məntəqəsində səs verəcəklər.
Seçici siyahılarına əsasən, 5 mln. 267,111 min nəfər səsvermə hüququ olan şəxs var. Azərbaycanın xaricdəki 38 diplomatik təmsilçiliyində də seçki məntəqələri açılıb.
1000 seçki məntəqəsində veb-kamera quraşdırılıb.
Referendumda 4 təşkilat exit-poll keçirəcək.
Referendumun nəticələri oktyabrın 21-dək elan ediləcək.*
A.Əzizov