İsrailin “Elbit Systems” müdafiə müəssisəsi Azərbaycan üçün müdafiə sənayesi obyektləri inşa edir. Bu barədə İsrailin Yokneam-İlit şəhərinin vitse-meri Roman Peres bəyan edib.
“Yokneamda İsrailin ən iri müdafiə müəssisəsi “Elbit Systems” fəaliyyət göstərir. Bu şirkət uzun illərdir ki, Azərbaycanla müdafiə sənayesi sahəsi ilə bağlı ciddi layihələr, o cümklədən, müdafiə təyinatlı obyeklətin inşasını həyata keçirir”, - deyə R.Petes İsrailə ezam edilən “İnterfaks-Azərbaycan” agentliyinin müxbirinə bildirib.
Vitse-mer qeyd edib ki, “bunlar çox ciddi layihələrdir, bu səbəbdən detallar barədə məlumat verə bilmirəm”.
O həmçinin vurğulayıb ki, İsrailin çox sayda müdafiə müəssisələri öz məhsullarını Azərbaycana göndərir. “Deyə bilərəm ki, çox maraqlı layihələr var”, - deyə R.Peres əlavə edib.
İsrailin “Elbit Systems” şirkəti müxtəlif növ silah və sursatın hazırlanması və modernləşməsi ilə məşğul olur. Bura həmçinin PUA, avionika, radiolokasiya, artilleriya və raket texnikasında hədəflərin yönəldilməsi sistemləri daxildir. “Elbit Systems” - İsraildə ən iri özəl müdafiə konsernidir.
Şirkət həmçinin yeni nəsil Avropa qırıcısının yaradılması və kosmik kəşfiyyat peyklərinin hazırlanmasında iştirak edir. **
F.İsazadə