Qafqaz müsəlmanlarının dini lideri Allahşükür Paşazadə hesab edir ki, dünyanın dini liderləri miqrantlar və qaçqınların problemlərinin həllinə töhfə verə, o cümlədən münaqişələrin nizamlanmasına imkan yarada bilərlər.
“Biz əminik ki, bütün dinlərin təməlində olan əxlaq və mənəviyyat ənənələri dünyada etnik və dini zəmində münaqişələrin həlli üçün əsas vasitə ola bilər”, - deyə A.Paşazadə V Bakı Beynəlxalq Humanitar Forumunda bəyan edib.
O, dünyada münaqişəli vəziyyətlərin nizamlanmasındakı töhfəsinə görə Moskva vəbütün Rusiyanın patriarxıKirillə minnətdarlığını bildirib.
“Terrorçuluq və ekstremizm bu və ya digər dövlət strukturlarının fəaliyyətinə mənfi təsir göstərir və cavab addımlar tələb edir. Məhz bu səbəbdən Moskva vəbütün Rusiyanın patriarxıKirillin Roma Papası ilə görüşü tarixi əhəmiyyət daşıyır. Dini səviyyədə görüşlər miqrasiya və qaçqınların problemlərinin həllinə öz töhfəsini verə, münaqişələrin nizamlanmasına şərait yarada bilər”, - deyə A.Paşazadə qeyd edib.
QMİ sədri vurğulayıb ki, Azərbaycan patriarxKirillin simasında Dağlıq Qarabağ münaqişəsinin həll etmək arzusunun şahidi oldu. “Biz Moskva vəbütün Rusiyanın patriarxıKirillə vasitəçilik missiyası ilə məşğul olmağa hazır olduğuna görə minnətdarıq. Ermənistan-Azərbaycan münaqişəsinin sülh yolu ilə beynəlxalq hüquq çərçivəsində həllini tələb edirik. Çünki bəşəriyyətin gələcəyi sülh ilə bağlıdır”, - deyə o qeyd edib.
A.Paşazadə İslam pərdəsi altında müəyyən qüvvələrin terror aktlar törətdikləri ilə əlaqədar təəssüfünü bildirib.
“Əfsuslar olsun ki, qeyd etmək lazımdır ki, dini və etnik ekstremizm ilə müşayiət olunan dünya miqyaslı faciələr qara qüvvələrin İslama ləkə salmasına şərait yaradıb. İslamdan sui-istifadə edərək, onlar terror aktları vasitəsilə öz qara əməllərini həyata keçirməyə çalışırlar. Müsəlmanların sıx yaşadığı ərazilər münaqişə və qırğın, mədəni dəyərlərin məhv olunduğu yerlərə çevrilir. Bu iri miqrasiya dalğasına səbəb olur ki, bütün bunlar Avropada ksenofobiya və islamofobiyanın yaranmasına şərait yaradır”, - deyə QMİ sədri vurğulayıb.
A.Paşazadənin sözlərinə görə, nəticədə insan cəmiyyətinin polyarizasiyası və radikallaşması baş verir. “Bu ekstremizm ideyalar; üçün əlverişli şərait yaradır və multikulturalizmin əsaslarını pozur”, - deyə o qeyd edib. **
R.Babayev