Azərbaycanın baş naziri Artur Rasizadə hesab edir ki, Qarabağ münaqişəsinin Azərbaycanın ərazi bütövlüyü çərçivəsində həllinə alternativ yoxdur.
Bu gün baş nazir VII Azərbaycan-Rusiya Regionlararası Forumun iştirakçıları iolə görüş keçirib.
“Bütün səylərə baxmayaraq, Azərbaycanın ərazisini işğal eən Ermənistanın qeyri-konstruktiv mövqeyinə görə, Qarabağ münaqişəsi həll olunmamış qalır. Hesab edirik ki, Qarabağ münaqişəsinin beynəlxalq hüquq, Azərbaycanın ərazi bütövlüyü və sərhədlərin toxunulmazlığı çərçivəsində həllinə alternativ yoxdur”, - deyə Nazirlər Kabineti A.Rasizadənin sözlərindən sitat gətirir.
Baş nazir həmsöhbətlərinə Azərbaycan iqtisadiyyatının nailiyyətləri, qlobal enerji və nəqliyyat layihələri, qeyri-neft və sosial sahələrdə həyata keçirilən islahatlar barədə məlumat verib.
Öz növbəsində, Rusiyanın nümayəndə heyəti A.Rasizədəyə bildirb ki, forum çərçivəsində əməkdaşlığın konkret istiqamətləri üzrə səmərəli danışıqlar aparılıb. **