Azərbaycan və Ukrayna hərbi-texniki əməldaşlığın genişləndirilməsi məsələlərini müzakirə etmək niyyətindədir. Bu barədə Ukraynanın Bakıdakı səfiri Aleksandr Mişenko “İnterfaks-Azərbaycan” agentliyinə məlumat verib.
“Bu yaxınlarda hərbi-texniki əməkdaşlıq üzrə Hökumətlərarası Komissiyanın iclası keçiriləcək. Böyük nümayəndə heyəti Bakıya səfər edəcək. Hərbi-texniki sahədə dərin əməkdaşlıq münasibətlərin indikatorudur”, - deyə A.Mişenko vurğulayıb.
Onun sözlərinə görə, əgər ötən əsrin 90-cı illərin əvvəlində Ukrayna hərbi sahədə Azərbaycana yardım edibsə, bu gün Kiyev bəzi növ silahların tədarükünə dair Bakıya müraciət edir.
“Hərbi-texniki əməkdaşlıq hər zaman əməkdaşlığımızın əsas komponentlərindən biri olub. Bu gün artıq hərbi texnikanın bəzi növlərinin tədarükündə yardım üçün Azərbaycana müraciət edirik”, - deyə səfir qeyd edib. **
F.İsazadə