Əksər ermənilər tədricən Dağlıq Qarabağ münaqişəsinin ədalətli həllinin zəruriliyini anlayır və öz dövlətçiliklərinin saxta tarixinə inanmır. Bunu Azərbaycan Prezident Administrasiyasının sektor müdiri Fuad Axundov Bakıda “Dağlıq Qarabağ münaqişəsi, özəyi, sülhməramlılıq və vətəndaş cəmiyyətinin rolu” mövzusunda beynəlxalq konfransda bildirib.
“Bizə məlumdur ki, erməni xalqı çox ağıllı və müdrikdir, müəyyən mərhələni keçib və Ermənistan-Azərbaycan münaqişəsinin həlli istiqamətində nə isə dəyişməyə çalışır. Dünya informasiya məkanı ilə yanaşı ermənilər daha çox saxta tarixlərlə nə etmək barədə düşünürlər. Çünki həmin tarix regionumuzda qırğınların səbəbidir”, - deyə F.Axundov bəyan edib.
Onun sözlərinə görə, regiondan kəınarda yaşayan ermənilər cəsarətlə Bakıya səfər edirlər. “Təzyiq və hədələrə baxmayaraq, regiondan kəınarda yaşayan ermənilər ölkəmizə səfər edərək, burada Ermənistan-Azərbaycan münaqişəsinə dair öz mövqelərini bildirirlər”, - deyə F.Axundov vurğulayıb.
O qeyd edib ki, bu gün qabaqcıl bəşəriyyət saxtalıqlarla mübarizə yolları axtarır. “Əks halda, vahid informasiya məkanı dağıdılacaq. Ermənilər isə həqiqətən böyük saxta tarixşünaslıqdan çox əziyyət çəkmiş xalqdır. Artıq 25 ildir onları inandırmağa çalışırlar ki, hər şey yaxşıdır, bir qədər də dözmək lazımdır. Lakin bu illər ərzində Ermənistan da daxil olmaqla, heç bir ölkə Dağlıq Qarabağ tanımayıb”, - deyə F.Axundov bildirib.
Onun sözlərinə görə, bir neçı il öncə İrəvanın qədim tarixi hissəsinin olmaması məsələsi qaldırılmışdı. “Biz bu məsələni qaldıranda Ermənistan hakimiyyəti guya dəqim İrəvan qalasının bərpası üçün $70 mln. məbləğində vəsait tapdı. Xüsusi ayrılmış ərazidə XIX əsrin sonu – XX əsrin əvvəlinə aid evlər inşa olundu və bəyan edildi ki, bunlar qədimi abidələrdir. Lakin ermənilər bildirirlər ki, İrəvan Romadan da qədimdir. Görüdüyünz kimi, yenə də heç bir uyğunluq yoxdur. Yenə də saxtakarlıq faktlarıdır”, - deyə F.Axundov əlavə edib.
O bildirib ki, Serj Sarqsyan dünyada yeganə prezidentdir ki, “uğrunda döyüşdüyü tarixşünaslıq barədə heç nə bilmir”. **
R.Babayev