Riqa tezliklə Bakı və Brüssel arasında strateji tərəfdaşığa dair yeni sazişin imzalanmasında maraqlıdır. Bu barədə Ltviya prezidenti Raymonds Veyonis bəyan edib.
“Latviya tezliklə Avropa İttifaqı ilə Azərbaycan arasında əməkdaşlığa dair sazişə nail olmasını dəstəkləyir”, - deyə R.Veyonis Azərbaycan prezidenti İlham Əliyevlə görüş zamanı bikldirib. Bu barədə “İnterfaks-Azərbaycan” agentliyi Latviya prezidentinin rəsmi saytına istinadən məlumat verir.
R.Veyonis energetika və nəqliyyat sahələrində Azərbaycanı Avropa İttifaqının maham tərəfdaşı adlandırıb. O, “Aİ-ə enerji daşıyıcılarının tədürükünün şaxələndirilməsində mühüm töhfə olan” “Cənub Qaz Dəhlizi” layihəsinin reallaşdırılmasında Bakının rolunu qeyd edib.
Latviya prezidentinin sözlərinə görə, Aİ-nin noyabr ayında keçirilməsi planlaşdırılan “Şərq tərəfdaşlığı”Proqramının növbəti Sammiti gələcək yeni qarşılıqlı səmərəli əməkdaşlıq istiqamətlərinin müəyyən olunması üçün yeni imkanlar yaradacaq. “Latviya-Azərbaycan ikitərəfli əlaqələr daha da möhkəmlənir, bu da iqtisadi əməkdaşlıq çərçivəsində yeni layihələrin icrasına başlamağa imkan yaradır”, - deyə R.Veyonis vurğulayıb.
O, İ.Əliyevin Riqaya rəsmi səfəri zamanı imzalanan ikitərəfli sazişlərə toxunub.
“Bu gün biz “Azərbaycan Respublikası ilə Latviya Respublikası arasında strateji tərəfdaşlığın yaradılması haqqında Birgə Bəyannamə”, o cümlədən “Azərbaycan Respublikasının Nəqliyyat, Rabitə və Yüksək Texnologiyalar Nazirliyi ilə Latviya Respublikasının Nəqliyyat Nazirliyi arasında beynəlxalq kombinə edilmiş yükdaşımaları haqqında Anlaşma Memorandumu”, “Azərbaycan Respublikasının Fövqəladə Hallar Nazirliyi ilə Latviya Respublikasının İqtisadiyyat Nazirliyi arasında tikintidə təhlükəsizliyə dövlət nəzarəti sahəsində əməkdaşlıq haqqında Saziş”, “Azərbaycan Respublikası Hökuməti ilə Latviya Respublikası Hökuməti arasında təhsil sahəsində əməkdaşlıq haqqında Saziş” imlaladıq. Həmin sənədlər ikitərəfli əlaqələrin inkişafı üçün yeni imkanlar təmin edəcək”, - o gələcəkdə ikitərəfli ticari-iqtisadi əməkdaşlığın inkişafında əminlik ifadə edib.
R.Veyonisin sözlərinə görə, Latviya nəqliyyat, həmçinin “Şimal-Cənub” nəqliyyat dəhlizi çərçivəsində, o cümlədən Latviya ərzaq mallarının Azərbaycana ixracının stimullaşdırılması sahəsində Bakı ilə əməkdaşlığın möhkəmləndirilməsində maraqlıdır.
“Biz təhsil və elm, İT, əczaçılıq və tikinti sənayesi sahələrində əməkdaşlığın inkişafı üçün potensial görürük. Azərbaycanla Latviya arasında müntəzəm hava əlaqəsinin qurulmasında maraqlıyıq. Bu, işgüzar əlaqələri sadələşdirəcək və turizm sektoruna yaxşı dəstək olacaq”, - prezident vurğulayıb.
Saytın məlumatına görə, görüşdə həmçinin Azərbaycanda insan haqqlarının müdafiəsi və demokratiya sahəsinə dair bir çox məsələlər müzakirə olunub. **
R.Babayev