“Azərbaycan” istilik elektrik stansiyası 2017-ci ilin I yarısında3mlrd. 705 mln. kVt/saat elektrik enerjisi istehsal edib. Bu barədə “İnterfaks-Azərbaycan” agentliyinə “Azərenerji” ASC-dən məlumat verilib.
Qeyd edək ki, 2016-cı ilin I yarısında stansiyada 2 mlrd. 768 mln. kVt/saat elektrik enerjisi istehsal edilib. Beləliklə, bu ilin yanvar-iyun aylarında istehsalın həcmi 33,8% artıb.
«İyunda “Azərbaycan” İES-də 736 mln. kVt/saatdan çox elektrik enerjisi istehsal edilib. Stansiyada sutkada 31-32 mln. kVt/saat elektrik enerjisi istehsal edilir», - deyə məlumatda qeyd olunur.
“Azərbaycan” İES hər birinin gücü 300 MVt olan 8 blokdan ibarətdir. Azərbaycanda istehsal edilən elektrik enerjisinin böyük hissəsi bu stansiyanın payına düşür. Burada yanacaq kimi təbii qaz və mazutdan istifadə edilir.*
N.Abbasova