2018-ci il yanvar ayının ikinci yarısında Dünya Bankının missiyası ASK sektorunda rəqabətqabiliyyətinin gücləndirilməsinə yönələn layihənin həyata keçirilməsinin təhlili məqsədilə Azərbaycana səfər edəcək. Bu barədə “İnterfaks-Azərbaycan” agentliyinə bankın Bakı nümayəndəliyindən məlumat verilib.
“Bu layihə artıq iki ildir reallaşdırılır və bankın standartlarına görə görülən işin ortamüddətli qiymətləndirilməsini aparmaq lazımdır”, - bankdan qeyd ediblər.
Bu səbəbdən yanvarın ikinci yarısında layihə çərçivəsində görülən işi, layihəyə düzılişlərin daxil eilməsi imkanlarını qiymətləndirmək üçün bankın missiyası Bakıya səfər edəcək.
DB “Kənd Təsərrüfatının RəqabətQabiliyyətinin Gücləndirilməsi” Layihəsinin reallaşdırılmasına $34,5 mln. məbləğində kredit ayırıb. Layihənin məqsədi ASK sektorunda rəqabətqabiliyyətinin gücləndirilməsidir. Layihənin ümumi dəyəri $53,25 mln. təşkil edir. **
A.Əzizov