Azərbaycan Mərkəzi Bankı (AMB) bu gün depozit hərracında 250 mln. manat cəlb edib. Bu barədə “İnterfaks-Azərbaycan” agentliyinə AMB-dən məlumat verilib.
“Mərkəzi Bank martın 19-da keçirilən hərracda 250 mln. manat məbləğində vəsait cəlb edib. Hərrac zamanı təklif 1 mlrd. 9,98 mln. manat təşkil edib. Orta ölçülmüş faiz dərəcəsi 8,01% səviyyəsində qalıb”, - məlumatda bildirilir.
Vəsaitlər 14 gün müddətinə cəlb edilib.
Xəbər verildiyi kimi, AMB depozit hərraclarının keçirilməsinə 2016-cı ilin iyun ayında başlayıb.*
N.Abbasova