2018-ci ilin I rübündə Azərbaycanda istismara verilən mənzillərin ümumi sahəsi 383,2 min kvadratmetr təşkil edib ki, bu da ötən ilin analoji dövrünün göstəricisindən 0,6% azdır. Bu barədə “İnterfaks-Azərbaycan” agentliyinə Dövlət Statistika Komitəsindən məlumat verilib.
Yanvar-mart aylarında mənzil tikintisinə investisiya qoyuluşları 172,5 mln. manat (artım 10%) məbləğində olub.
Xəbər verildiyi kimi, 2017-ci ildə Azərbaycanda istismara verilən mənzillərin ümumi sahəsi 1 mln. 727,4 min kvadratmetr təşkil edib ki, bu da 2016-cı ilin göstəricisindən 18,6% azdır.
Ötən il mənzil tikintisinə 891 mln. manat (artım 21,7%) məbləğində investisiya qoyulub.*
B.Rüstəmbəyov