Bakıda NATO tərəfdaşların arxa cəbhə ekspertlərinin daimi qrupu ilə görüş keçirilir. Bu barədə Müdafiə Nazirliyindən məlumat verilir.
“NATO ilə əməkdaşlıq çərçivəsində Bakıda ilk dəfə tərəfdaşların arxa cəbhə ekspertlərinin daimi qrupu ilə hərəkət və nəqliyyat, dayanıqlı planlaşdırılma və hərəkət sərbəstliyi mövzularında görüşü keçirilir”, - məlumatda deyilir.
Mayın 18-dək davam edəcək tədbirdə 13 ölkədən 24 nümayəndə iştirak edir.
“Ekspert qrupunun əsas məqsədi NATO əməliyyatlarına töhfə verən tərəfdaş ölkələrin maddi-texniki təminat bölmələrinin imkanlarını müəyyənləşdirərək səmərəli istifadəsi üçün inkişaf etdirmə yollarını tapmaqdır”, - məlumatda qeyd olunur. **
B.Rüstəmbəyov