Sahibkarlığa Kömək Milli Fondu “Azərbaycan Respublikasında kənd təsərrüfatı məhsullarının istehsalına və emalına dair Strateji Yol Xəritəsi”nin reallaşdırılması məqsədilə investisiya layihələrinin maliyyələşdirilməsi ilə bağlı layihələrin qəbulunu elan edib.
Xüsusilə, SKMF təzə kartof istehsalı, örtülü torpaqlarda, o cümlədən istixanalarda faraş tərəvəz istehsalı, regionlarda kiçik və orta ölçülü meyvə-tərəvəz məhsulları emalı müəssisələri şəbəkəsinin genişləndirilməsi, qurudulmuş və dondurulmuş meyvə-tərəvəz məhsulları istehsalını nəzərdə tutan layihələri qəbul edir.
O cümlədən, SKMF Ətlik-südlük istiqamətli ailə-kəndli təsərrüfatlarının yaradılması, arıçılıq, balıqçılıq, o cümlədən akvakultura sahəsində inkişafın dəstəklənməsi, aqroparkların yaradılması və s. layihələri maliyyələşdirilməyə hazırdır.
SKMF “Azərbaycan Respublikasında İxtisaslaşmış turizm sənayesinin inkişafına dair Strateji Yol Xəritəsi” çərçivəsində Qalaaltı, Naftalan və Duzdağdakı mövcud yerləşdirmə alternativlərində, sağlamlıq xidməti göstərən müəssisələrdə və turistlər üçün digər cəlbedici yerlərdə bərpa və yenidənqurma işlərinin aparılması,Turizm və Rekreasiya Zonalarında fəaliyyətin turizm klasterinə uyğun qurulmasını maliyyələşdirməyə hazırdır.
Sahibkarlar investisiya layihələrinin maliyyələşdirilməsi üçün müvəkkil kredit təşkilatları vasitəsilə Sahibkarlığa Kömək Milli Fonduna müraciət edə bilərlər. **
B.Rüstəmbəyov