“AccessBank” nizamnamə kapitalını 99,8% - 280,25 mln. manatadək artırmağı planlaşdırır. Bu barədə bankın məlumatında İdarə Heyətinin sədri Anar Həsənova istinadən məlumat verilir.
Hazırda “AccessBank”ın nizamnamə kapitalı 140,25 mln. manata bərabərdir.
"Ötən həftə baş tutan səhmdarların ümumi yığıncağında bankın nizamnamə kapitalının 140 mln. manat məbləğində artırılması barədə qərar qəbul olunub”, - deyə A.Həsənov bildirib.
Onun sözlərinə görə, nizamnamə kapitalının artırılması banka yeni inkişaf mərhələsinə daxil olmaq üçün yaxşı imkanlar yaradır: "Mikromaliyyələşmə sahəsinin lideri olaraq mövqeyimizi nəinki qorumağı, hətta gücləndirməyi düşünürük. Bu məqsədə nail olmaq üçün bizim maliyyə dayanıqlılığı, kadr potensialı və müştəri etibarı kimi zəruri resurslarımız var. Bazar payımızı gücləndirməklə yanaşı, biz xidmət səviyyəmizin artırılması üçün də lazımi addımlar atacağıq. Biz 2018-ci ilə olduqca pozitiv baxırıq və qarşıya qoyulan hədəflərə nail olacağımıza əminik", - deyə sədr vurğulayıb.*
A.Əzizov