Rusiya Xarici İşlər Nazirliyininxüsusi tapşırıqlarüzrəsəfiriİqor Bratçıkiov bəyan edib ki, Xəzəryanı dövlətlər mütəmadi qaydada XİN başçıları, nəqliyyat, iqtisadiyyat nazirləri səviyyəsində görüşlər keçirəcək.
“Xəzərdə bir neçə əməkdaşlıq mexanizmi meydana gəlib. Konvensiya imzalandıqdan sonra da onların çərçivəsində iş davam etdiriləcək. Mən, əsasən, sahilboyu dövlətlərin liderlərinin qarşılıqlı əlaqəsi üçün ayrılmaz formatına çevrilən sammitləri qeyd edirəm. Əldə olunan razılıqlara əsasən, XİN başçıları, nəqliyyat, iqtisadiyyat nazirləri, Xəzər limanları administrasiyalarının nümayəndələrinin görüşləri daimi xarakter daşıyacaq”, - İ.Bratçikov “Kommersant” qəzetinə müsahibəsində bildirib.
Onun sözlərinə görə, beş dövlətin XİN-lərinin himayəsi altında yüksək səviyyəli İşçi qrupu yaradılacaq. Həmin İçşi qrupunun ilk iclası artıq noyabr ayında (Bakıda - İF) keçirilməlidir. “Onun ilk növbədə vəzifəsi Xəzər dənizində birbaşa başlanğıc xəttlərinin müəyyən edilməsi metodikasına dair sazişin hazırlanmasıdır. Buna əsasən suverenlik və balıqçılıq zonaları hesablanacaq”, - İ.Bratçikov qeyd edib.
O vurğulayıb ki, Konvensiyada təhkim edilmiş razılıqlar - “kiminsə əllərinin sındırılması və ya burulmasının nəticəsi deyil”. “Danışıqlar tam bərabərhüquqlu və qarşılıqlı hörmət şəraitində keçirilib. Bəli, hər ölkənin Konvensiyanın necə olamasına dair öz təsəvvürü var idi, nəticədə biz orta məxrəcə gəldik. Heç kim uduzmadı, hamı udub”, - İ.Bratçikov əlavə edib. **
A.Əzizov