Azərbaycan prezidenti İlham Əliyev bazar ertəsi “Lerik şəhərinin içməli su təchizatı sisteminin yenidən qurulması və ilk dəfə olaraq kanalizasiya şəbəkəsinin yaradılması” layihəsinin icrasının yekunlaşması münasibətilə keçirilən mərasimdə iştirak edib. Bu barədə dövlət başçısının saytında məlumat verilir.
“Meliorasiya və Su Təsərrüfatı” Açıq Səhmdar Cəmiyyətinin sədri Əhməd Əhmədzadə İ.Əliyevə layihə haqqında məlumat verdi.
O məlumat verildi ki, Lerik şəhərinin ilk su təchizatı sistemi 1968-ci ildə yaradılıb. Şəhərin yalnız 50 faizi mərkəzləşdirilmiş qaydada fasiləli rejimlə içməli su ilə təmin edilirdi
O cümlədən, İ.Əliyev Lerik rayonunun Piran-Hamarat-Vijaker avtomobil yolunun yenidənqurmadan sonra açılışında iştirak edib.
Azərbaycan Avtomobil Yolları Dövlət Agentliyinin İdarə Heyətinin sədri Saleh Məmmədov dövlət başçısınaməlumat verdi ki, yol 9100 nəfərin yaşadığı 28 yaşayış məntəqəsini birləşdirir.
Həmçinin Azərbaycan prezidenti İ.Əliyev Lerik rayonunda gücü 16,5 MVt olan elektrik stansiyasının istismara verilməsi mərasimində iştirak edib. Stansiya ildə 75 milyon kilovat-saat elektrik enerjisi istehsal etmək imkanına malikdir.Bu, Lerik və Yardımlı rayonlarının elektrik enerjisinə tələbatından 40 faiz çoxdur.Burada əsas yanacaq kimi qazdan istifadə olunur. **
F.İsazadə