“Bakı Beynəlxalq Dəniz TicarətLimanı” QSC Bakıdan Ələt qəsəbəsinə (paytaxtın mərkəzindən 70 km aralıda) və əks istiqamətdə limanın işçiləri və sərnişinlərin daşınması üçün nəqliyyat şirkətinin seçimini élan edib. Bu barədə QSC-nin elanında deyilir.
Şirkət seçimi açıq tender üsulu ilə keçirilir. Tenderdə iştirak haqqı 500 manatdır.
Öncəki tender 2018-ci ilin sentyab ayında elan olunub, lakin nəticə verməyib.
Seçimdə iştirak arzusunda olan şirkətlər təkliflərini dekabrın 18-də saat 18:00-dək təqdim etməlidir. Tender proseduru dekabrın 11-də saat 18:00-da baş tutacaq.
Mayın 14-də prezident İlham Əliyev Bakı Beynəlxalq Dəniz Ticarət Limanı Kompleksinin açılış mərasimində iştirak edib.
Bakı Beynəlxalq Dəniz Ticarət Limanının tikintisi Ələt qəsəbəsində 400 hektar ərazidə həyata keçirilib. Hazırda burada bərə terminalı və tikinti işlərinin birinci mərhələsi çərçivəsində istifadəyə verilən Ro-Ro terminalı fəaliyyət göstərir.
Birinci mərhələ başa çatandan sonra limanın aşırma gücü 15 milyon quru yük və 100 min konteyner təşkil edəcək. İkinci mərhələ başa çatdıqdan sonra limanın aşırma gücü 17 mln. ton yük və 150 min konteynerə qədər artacaq. Üçünçü mərhələ tamamlandıqdan sonra yeni liman 25 mln. tona qədər ümumi yük, eləcə də 1 mln. konteyner yükü aşırma gücünə malik olacaq. **
N.Abbasova