Milli Məclisin bu gün keçirilən plenar iclasında Konstitusiya Qanununda İnsan hüquqları üzrə müvəkkilin aylıq əmək haqqının 10,12% artırılmasını nəzərdə tutan dəyişikliklər qəbul edilib.
“İnterfaks-Azərbaycan” agentliyinin parlament müxbirinin verdiyi xəbərə görə, bu gün qanun layihəsi üzrə keçirilən ikinci səsvermədən sonra ombudsmanın əmək haqqı 2,025 min manatdan 2,23 min manatadək artırılır.
Konstitusiya Qanununun 1-ci maddəsinə edilən dəyişikliklər 1 may 2018-ci il tarixindən qüvvəyə minib.*
R.Babayev