Azərbaycan Rusiya və NATO ilə sıx əməkdaşlıq edir, bu səbəbdən RF və Alyansın hərbi liderlərinin görüş üçün Bakı şəhərini seçmələri təsadüfi deyil. Bunu Azərbaycan prezidenti İlham Əliyev deyib.
“Dünən Bakıda Rusiya və NATO-nun ali hərbi rəhbərlərinin növbəti görüşü olub. NATO-Rusiya hərbi rəhbərlərinin görüşü mütəmadi olaraq Azərbaycanda keçirilir. Bu, çox əlamətdar hadisədir”, - İ.Əliyev bu gün Milli Olimpiya Komitəsində 2018-ci ilin idman yekunlarına həsr olunan mərasimdə bildirib.
Onun sözlərinə görə, bu görüşün Azərbaycanda keçirilməsinin bir neçə səbəbi var. “İlk növbədə, bizə olan inam. Azərbaycan çox etibarlı tərəfdaşdır, sözümüzlə əməlimiz arasında heç bir fərq yoxdur, verdiyimiz hər bir sözə əməl edirik və sözümüzün arxasında dayanırıq. Digər tərəfdən, bizə olan hörmət. Bu gün apardığımız siyasət bizə dünyada çox böyük hörmət qazandırıb, Azərbaycana çox böyük rəğbət var. Müstəqil siyasət apararaq, sözün əsl mənasında, müstəqil ölkə kimi özümüzü təsdiq edə bilmişik. Hesab edirəm ki, bu, ikinci səbəbdir. Üçüncü səbəb ondan ibarətdir ki, həm Rusiya, həm də NATO ilə bizim sıx əlaqələrimiz var”, - prezident qeyd edib İ.Əliyev vurğulayıb ki, Rusiya ilə strateji tərəfdaşlıq əlaqələrimiz gündən-günə güclənir. “NATO ilə bir çox proqramlar əsasında işləyirik”, - o bildirib.
Dekabrın 12-də Bakıda Rusiya Federasiyası Silahlı Qüvvələrin Baş Qərargah rəisi Valeri Gerasimov və NATO Müttəfiq Qüvvələrinin Avropadakı Baş komandanı general Körtis Skaparotti arasında görüş baş tutub. **
R.Babayev