Vergilər Nazirliyinə aksiz markalarının hazırlanması, uçotu və satışı üçün səlahiyyətlər verilib.
Prezident İlham Əliyev Vergilər Nazirliyi haqqında Əsasnaməyə dəyişiklikləri təsdiq edib.
Bu dəyişikliklərə əsasən, Vergilər Nazirliyinin funksiyalarına aksiz markalarının hazırlanmasını, onların satışını və uçotunu təşkil etmək, habelə istehsalçıların və idxalçıların aksiz markaları ilə təchiz olunmasını təmin etmək daxildir.
Əvvəllər bu funksiyalar Maliyyə Nazirliyi tərəfindən həyata keçirilirdi.*