2018-ci ildə Dövlət Gömrük Komitəsi tərəfindən 1 mln. 246,73 min manat dəyərində qiymətli daşların ölkədən qanunsuz çıxarılması cəhdinin qarşısı alınıb. Bunu Dövlət Gömrük Komitəsinin sədri Səfər Mehdiyev qeyd edib.
S.Mehdiyev vurğulayıb ki, ötən il gömrük orqanları tərəfindən həmçinin iri həcmdə xarici valyuta, qiymətli daşlar və məmulatların ölkədən çıxarılmasının qarşısı alınıb.
“2018-ci il ərzində ölkədən 1189549 ABŞ dolları, 310207 avro, 15162 funt sterlinq, 34.865.955 rus rublu, 209998 Azərbaycan manatının qanunsuz çıxarılmasının qarşısı alınıb. Həmçinin, ötən il 9977 manat dəyərində 8792 qram gümüş, 1246730 manat dəyərində 2945,223 karat qiymətli daşlar, 8400 manat dəyərində 120,07 qram qızıl, 64 ədəd qızıl sikkə, 341983 manat dəyərində 1802 ədəd qızıl zinət əşyaları aşkar olunub”, - S.Mehdiyev rəsmi mətbuatda dərc olunan məqaləsində qeyd edib.
Hesabat dövrü ərzində DGK sərhəd pozucularından 2978 kq balıq, 2201 kq bitki toxumları, 51 ədəd dini kitab, 235826 manat dəyərində dərman vasitələri, 123 ton 120 kq kimyəvi maddə, 6473 ədəd mobil telefon və 4124 ədəd mobil telefonların aksesuarları, 3 ədəd ov silahı, 7.358.635 ədəd pirotexniki məmulatlar və s. mallar aşkar edərək götürüb. **
Ə.Məmmədov