2018-ci ildə Azərbaycan əhalisinin sayı 0,8% artaraq 2019-cu il yanvar ayının1-i vəziyyətinə 9 mln. 981,457 min nəfərə çatıb. Bu barədə “İnterfaks-Azərbaycan” agentliyinə Dövlət Statistika Komitəsindən məlumat verilib.
1 yanvar 2018-ci il tarixinə ölkə əhalisinin 22,8%-i (2 mln. 275,772 min nəfər) Bakı şəhərində yaşayır.
Əhalinin bir kvadrat kilometrə düşən sıxlığı 115 nəfər təşkil edib.
Əhalinin 52,8%-ni şəhər, 47,2%-ni kənd sakinləri, 49,9%-ni kişilər, 50,1%-ni isə qadınlar təşkil edir.
2018-ci ildə 138,982 min nəfər doğulmuş körpə qeydə alınıb və əhalinin hər 1000 nəfərinə bu göstərici 14,2 təşkil edib. Körpələrdən 2,422 mini əkiz, 117-si isə üçəm doğulanlardır.
Ötən il ölkədə 57,25 min ölüm halı qeydə alınıb və ölüm səviyyəsi əhalinin hər 1000 nəfərinə 5,8 təşkil edib.
2018-ci ildə 62,484 min nikah və 14,857 min boşanma halı qeydə alınıb.
Bu dövrdə Dövlət Miqrasiya Xidməti və Daxili İşlər Nazirliyi tərəfindən Azərbaycana daimi yaşamaq üçün 3,22 min nəfər gələn və 1,58 min nəfər ölkədən gedən qeydə alınıb.*
R.Babayev