Bakı və Asunsyon iqtisadi əməkdaşlığın genilənməsi və qarşılıqlı siyasi dialoqun möhkəmlənməsinin tərəfdarı qismində çıxış edir. Bu barədə Xarici İşlər Nazirliyindən məlumat verilir.
“Azərbaycan və Paraqvay XİN başçıları Elmar Məmmdyarov vəLuis Alberto KastiqlioniAsunsyonda ikitərəfli görüş zamanı Azərbaycan-Paraqvay Ticarət Palatasının təsis edilməsinə dair ortaq niyyət ifadə ediblər”, - məlumatda deyilir.
Nazirlər siyasi münasibətlərin hazırkı səviyyəsindən məmnunluq ifadə ediblər, siyasi dialoqun möhkəmləndirilməsi mexanizmlərinə dair müzakirələr aparıblar. Tərəflər kənd təsərrüfatı, nəqliyyat, sərmayələrin qoyuluşu, təhsil və digər sahələrdə əməkdaşlıq imkanlarına dair fikir mübadiləsi apararaq, gələcəkdə bu istiqamətlərdə əməkdaşlığın inkişaf etdirilməsi üçün hüquq-müqavilə bazasının yaradılması barəsində razılığa gəliblər.
E.Məmmədyarov paraqvaylı həmkarına Ermənistan-Azərbaycan Dağlıq Qarabağ münaqişəsi və münaqişənin həlli üzrə danışıqlar prosesinin cari vəziyyəti haqqında məlumat verərək, Paraqvay Milli Konqresinin Deputatlar Palatası tərəfindən Xocalıda törədilmiş soyqırımının pislənməsinə dair bəyanatın qəbulunun yüksək qiymətləndiri
Azərbaycan XİN başçısı Azərbaycanın Qoşulmama Hərəkatına sədrliyi çərçivəsində cari ilin oktyabr ayında hərəkatın Bakıda Zirvə Toplantısının keçiriləcəyini və Paraqvay tərəfinin bu əhəmiyyətli tədbirdə yüksək səviyyədə təmsil olunacağına ümidvar olduğunu bildirib.
E.Məmmədyarov paraqvaylı həmkarını Azərbaycana rəsmi səfərə dəvət edib. L.Kastiqlioni bu dəvəti qəbul edib.
Görüşün yekunlarına dair “Paraqvay Respublikası Hökuməti ilə Azərbaycan Respublikası Hökuməti arasında diplomatik, rəsmi və ya xidməti pasportlara malik şəxslər üçün viza tələbinin qarşılıqlı olaraq aradan qaldırılması haqqında” saziş imzalanıb.
Paraqvaya ilk səfər çərçivəsində E.Məmmədyarov, həmçinin Paraqvay Milli Konqresinin Senatı və Deputatlar Palatasının Xarici Əlaqələr Komitəsinin sədrləriViktor QonsalesvəVolter Harmsilə görüşüb. Görüş zamanı ikitərəfli münasibətlərin inkişafında parlamentlərarası əlaqələrin gücləndirilməsinin vacibliyi vurğulanıb. **
R.Babayev