Mənzil İnşaatı Dövlət Agentliyi (MİDA) 29 aprel tarisində Bakının Yasamal rayonundasosial mənzil tikintisi çərçivəsində dörd binada 154 mənzilin satışına başlayacaq. Bu barədə MİDA-dan məlumat verilir.
“Yasamal Yaşayış Kompleksinin 6-7 saylı binaları üzrə 22 mənzil, həmçinin 8 və 9 saylı binalarında yerləşən 132 mənzilin, ümumilikdə 154 mənzilin satışı 29 aprel 2019-cu il tarixində saat 11:00-da başlayacaq və 30 aprel 2019-cu il tarixi saat 23:59-dək davam edəcək. Məznilləörin seçim prosesi artıq başa çatıb. Seçimdə 5909 nəfər iştirak edib. Eyni zamanda, 160 seçilmiş məznilə dair artıq vətəndaşlardan onların alınmasına dair imzalanmiş ərizələr daxil olub”, - məlumatda deyilir.
Yalnız “Güzəştli mənzil” sistemində elektron kabinetə sahib olmuş vətəndaşlar mənzil almaq hüququna malikdir. Elektron kabinetə sahib olmuş bütün vətəndaşlar qeydiyyat tarixindən və sıra nömrəsindən asılı olmayaraq, mənzillərin seçimində bərabər hüquqa malikdir. Həmin şəxslər elektron kabinetlərində “Satış/Mənzillər” bölməsinə daxil olaraq “erkən gələnə erkən xidmət” prinsipi (satış başladığı anda sistemə daxil olaraq mənzili ilk seçən şəxslər onu almaq imkanı əldə edir) əsasında mənzilləri seçə biləcəklər.
Bütün mənzillər tam təmirli, mətbəx mebeli, kombi isitmə sistemi (kombi cihazı daxil olmaqla), su, qaz və elektrik sayğacları ilə təmin edilmiş vəziyyətdə təklif olunur.
“Güzəştli mənzil” pro qramı çərçivəsində Yasamal rayonu ərazisində 1-ci yaşayış kompleksində 324 mənzil 2018-ci ildə, daha 152 mənzil – 2019-cu il yanvarın 25-dən fevralın 8-dək satılıb.
Ümumi sahəsi 11,6 hektar olan kompleks 29 çoxmənzilli yaşayış binasından ibarət olacaq. Onların 17-si ikibloklu 9 mərtəbəli bina, 12-si isə birbloklu 12 mərtəbəli bina olacaq.
Bundan əlavə, kompleksin ərazisində bir sıra sosial obyektlər tikiləcək.**
N.Abbasova